Монгол Улсын Соёлын Гавьяат зүтгэлтэн, зохиолч, сэтгүүлч Баарангийн Пүрэвдаш таалал төгсжээ. Тэрээр 1950 онд Говь-Алтай аймгийн Төгрөг суманд төрж, ухамсарт амьдралаа эх орон ард түмнээ соён гэгээрүүлэх үйлст зориулсан мэдлэг, авьяастай сэтгүүлч, зохиолч, байлаа. Тэрээр МАХН-ын Төв хорооны хэлтсийн орлогч эрхлэгчээс эхлээд “Ардын эрх”сонины нэгдүгээр орлогч эрхлэгч, “МОНЦАМЭ” агенлагийн захирал, Монголын Радиогийн захирал зэрэг ажлуудыг он удаан жил нэр төртэй хариуцаж байгаад гавьяаныхаа амралтанд гарсан юм. Монголын сэтгүүл зүй, уран зохиолын ертөнцөд өөрийн гэсэн тод мөр, арга барил, дуу хоолойгоо үлдээсэн эрдэмтэн судлаач, бичиг номын хүн байв. Бага залуугаасаа л зохиолч сэтгүүлч Т.Баасансүрэн, Ц.Балдорж, Д.Цоодол, Б.Ганбат, Ш.Цэнд-Аюуш, Б.Ганболд, Д.Намсрай, Д.Цэдэн-Иш, А.Мягмаржав зэрэг уран зохиол, сэтгүүл зүйн “томчууд”-тай нөхөрлөж, зовлон жаргалаа хуваалцаж явсан юм. Аливаад өр зөөлөн хандах, түшиг тулхтай явах, холыг харах ухааныг залуучуудад үлгэрлэн харуулдаг хүн байлаа. Эгэлгүй сайхан хүмүүн таны алхаж явсан мөр хийж бүтээсэн үйлс тань цагаан билээ. Тэрээр “Шанаган булаг”, “Тэнгэр цэлмэнэ”, “Нартай өдрийн дурдатгал” ном хэвлүүлсэн билээ.

Түүний гэр бүлийнхэнд гүн эмгэнэл илэрхийлье.