УИХ-ын гишүүн Т.Доржханд нүүрсний сонсголын үеэр “Та сонсголын үеэр зөв юм ярьж байгаа мөртлөө бодит байдал дээр үйлдэл чинь зөрөөд байна. Та сүүлийн жилүүдэд эрх мэдэлтэй байсан. “Эрдэнэс Тавантолгой” ХХК-ийн талаар ямар ойлголттой байдаг юм бэ” гэхэд Д.Сумъяабазар “2008 оноос хойш “Эрдэнэс Тавантолгой” ХХК-ийг бизнесийн эргэлтэд оруулах талаар бодлого хэрэгжүүлж ажиллаж байсан. Хоёрдугаарт, олон улсын стандартыг тогтоохын төлөө бүх хүчээ хаяж зүтгэж байсан. Эрдэнэс Тавантолгой ХХК-ийг эдийн засгийн эргэлтэд оруулбал 31 мянга 500 ажлын байртай болох юм байна. Үүнийг дөрвөөр үржүүлбэл 120 мянган иргэдийн амьдралд тустай зүйл болно гэх том бодлогыг МАН-ынхан гаргаж, зүтгэсэн. Нэмэхтэй явж байсан “Эрдэнэс Тавантолгой” ХХК-ийн орлого ковидын үед 56 хувиар буурсан. Энэ үед дэлхийн эдийн засаг -3-4 хувьтай унасан. Энэ үед улстөржилт эхэлчихсэн байсан учир үсээ хусдаг нь үсээ хусаж, дайрч доромжлох нь доромжлоод их үзсэн. Тавантолгой дэлхийн бүх нүүрсний тэргүүлэх компани болох боломж байсан. Бид алдаагаас засах ёстой. Гэхдээ хулгай байж болохгүй. “Эрдэнэс Тавантолгой” ХХК-д гаднын менежмент оруулаасай гэж бодож байна. “Эрдэнэс Тавантолгой” ХХК-ийг улс төрөөс хамааралгүй явуулбал сэргэх боломжтой. Бид алдаагаа засаад урагшлах ёстой” гэв.