УИХ-ын нэгдсэн чуулган хуралдаж байна. Энэ үеэр УИХ-ын Н.Алтанхуяг үг хэллээ.

           Тэрбээр “Сонгуулийнхаа тойргийг томсгож баталсан байна. Бүс нутгаа бодож байна уу, ялахаа бодож байна уу, мэдэхгүй. Сонгуулийг шударга явуулмаар байна. Хар машинаар тоолмооргүй байн. Гэхдээ техник хэрэгсэл ашиглаж, камераар гадна сууж байгаа хүмүүс ч давхар тоолохоор хиймээр байна. Намууд нийлж байгаад хоншоортой юм хийчхэж болохгүй юм уу. Ухуулагч цалинжуулж ажиллуулдаг байдлыг хасаж өгөөч. Шударга баймаар байна. Мөнгөтэй хүний эсрэг мөнгөгүй өрсөлдөх нь тэнцвэргүй тулалдаан. Сурталчилгааны самбарын мөнгийг  багасгамаар байна. Одоо залууст боломж олгомоор байна. Түрүүлж гарч ирээд төрөөс нүүрс, алт мөнгийг нь идээд байна. Монголын нийгэм үг хэлдэг хүмүүсээ шахаж, шоронд оруулж дээрэлхдэгээ болимоор байна. Би анх сонгуулиар үг хэлэх эрх чөлөөний төлөө тэмцэнэ гэж гарч ирсэн. Одоо Монголын нийгэмд ялзарсан юмыг ялзарсан гэж хэлээд шоронд ордог боллоо. Магадлангийн хугацаа нь болсон Д.Мөнх-Эрдэнийг суллах хэрэгтэй. Та нар шоронд хүнийг яаж тамладгийг мэдэхгүй. Би олон хүнээ шорон хийлгэж байсан учраас мэдэж байна. Сэтгүүлч Н.Өнөрцэцэгийг шоронгоос нь гарга. Үг хэлэх, хэвлэн нийтлэх эрх чөлөөг яагаад шоронд хийж байгаа юм. Өнөөдөр та нар хүмүүсийг шоронд хий. Маргааш та нар өөрсдөө шоронд орно шүү. Хүн нь байвал хэрэг нь олдож байна. Хэн нэг хүний үгэнд орохгүй бол шоронд ордог нийгмийн төлөө би яваагүй шүү. Ингэж хүмүүсийг хэлмэгдүүлэхээ боль” гэв.