Нүүрсний сонсголд Тавантолгой Зүүнбаян чиглэлийн Төмөр замын бүтээн байгуулалтын ажил нүүрсний сонсголд орж байна. Энэ үеэр УИХ-ын гишүүн Ж.Бат-Эрдэнэ “Тавантолгой Зүүнбаян сумын 2010 онд төмөр замын бодлого батлагдсан. Үүнд бодлого, сүлжээ, хүчин чадлыг тодорхойлсон. 2011 онд Тавантолгой Гашуунсухайт-Тавантолгой Зүүнбаянгийн төмөр замын концесийн гэрээ байгуулсан. Тэр үед байгуулсан хоёр гэрээний дагуу 2016 онд ашиглалтад оруулахаар төлөвлөсөн байсан. Гэтэл 2012 оны сонгуулийн дараа тус замыг төр авч 200 сая гаруй долларын зээл Хөгжлийн банкнаас авч санхүүжилт зогссон. Би 2018 онд Зам, тээврийн хөгжлийн сайдаар ажиллахдаа тус төмөр замыг үргэлжлүүлэхээр ажилласан. Тэр үед Тавантолгой Зүүнбаян, Тавантолгой Гашуун сухайт гэсэн хоёр компани байгуулсан. Тэгээд 51 хувийн “Монголын Төмөрзам” ХХК эзэмших болсон. Монголын төмөрзамын 30 орчим хувийг Эрдэнэс тавантолгой ХХК эзэмшиж байсан. Эргээд харахад, Эрдэнэс тавантолгой ХХК 66 хувийг нь эзэмшдэг болчихсон, Монголын төмөрзам 34 хувийг нь эзэмшиж байна. Би хувьдаа “Монголын төмөрзам” ХХК-ийг ядаж 60 хувийг эзэмших ёстой гэж бодож байна. Хөрөнгө оруулснаараа хувьцаа эзэмшсэн юм уу гэж бодохоор нийт хөрөнгө оруулалт Монголын төмөрзамаас орсон юм байхгүй. Эрдэнэс тавантолгой,750 тэрбум төгрөгийн бонд босгосон. “Эрдэнэс тавантолгой” ХХК шинэ жилийн тоглоом шиг алдагдалтай компаниудыг өөртөө үүрдэг болчихоод байна. Монголын төмөрзамын 66 хувийг нь эзэмших ямар шаардлага байсан юм бэ” гэв.