Хан-Уул дүүргийн III хороо 10 давхрын барилгын дөрвөн давхарт гал гарч, таван иргэн нас барсан талаар бид мэдээлсэн билээ. Үүнтэй холбоотойгоор НОБГ-ын албан хаагч мэдээлэл өглөө.

      Тэрбээр “Өглөө 07:02 цагт Цагдаагийн байгууллагад "Хан-Уул дүүргийн Сутайбуянтын 105 дугаар байранд гал гарлаа" гэсэн дуудлага ирсэн. Дуудлагын дагуу тус дүүргийн гал унтраах 14 дүгээр анги, найман албан хаагч, хоёр  машинтай ирсэн. Албан хаагчдыг ирэхэд гал бүрэн тархсан, утаажилт их байсан учраас Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид нэмэлтээр ирж ажилласан. Гал унтраах болон аврах ажиллагааны үеэр таван иргэн угаартаж нас барсан байсан. Мөн онцгой байдлын албаны нэг албан хаагч болон нэг иргэн угаартсан байсныг яаралтай тусламжийн эмнэлгийн байгууллагад  хүргэсэн. Хан-Уул дүүргийн цагдаагийн газар болон онцгой байдлын шинжээчид ажиллаж байна. Нэг айлд гал гарсан дээшээ утаажилт их байсан. Нийт 76 иргэнийг утаажилтын бүсээс гаргасан” гэв.