Цагдаагийн байгууллагаас өнгөрсөн долоо хоногт 2023 оны арванхоёрдугаар сарын 11-нээс 15-ны өдрүүдэд 28,494 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 126 хэргийг хүргүүлсэн байна.

Үүнээс: Хүний амьд явах эрхийн эсрэг дөрвөн Хүний эрүүл мэндийн халдашгүй байдлын эсрэг 54, Хүний бэлгийн эрх чөлөө, халдашгүй байдлын эсрэг дөрөв, Өмчлөх эрхийн эсрэг 36, Олон нийтийн аюулгүй байдал, ашиг сонирхлын эсрэг хоёр, Хүрээлэн байгаа орчны эсрэг дөрөв, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 18, бусад дөрөв хэрэг байна.

Эрэн сурвалжлах ажиллагаа, зарим гэмт хэрэг, зөрчлийн шийдвэрлэлтийн талаар:

Цагдаагийн байгууллагад өнгөрөгч долоо хоногт эрэн сурвалжлалтын чиглэлээр оргодол 11, гэмт хэрэгт сэрдэгдсэн этгээд 27, сураггүй алга болсон хүн 59, шүүхээс даалгасан хүн 24, зөрчил үйлдсэн 9 хүнийг дэвшилтэт технологи ашиглан олж тогтоосон байна.

Хүүхдийн эрхийг зөрчсөн 57 иргэнд 17.100.000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 119 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ.