Баянгол дүүргийн 33-р хороонд айлаас утаа гараад байна гэсэн дуудлага өнөөдөр 17:14  цагт Чингэлтэй дүүргийн Онцгой байдлын газарт иржээ. Дуудлагын дагуу тус дүүргийн Онцгой байдлын Гал түймэр унтраах, аврах 10 дугаар ангийн бүрэлдэхүүнийг очиход, айлын гацуур мод, эд хогшил шатаж, утаажилт ихтэй байсныг шуурхай ажиллаж бүрэн унтраасан байна. Гал гарах үед хөгжлийн бэрхшээлтэй гурван хүүхэд асран хамгаалах хүнгүй, угаартсан байдалтай байсныг аварч, эмнэлгийн байгууллагад  хүлээлгэн өгчээ.

       Иргэдэд сэрэмжлүүлэхэд гацуур мод шатамхай, гал алдсан үед богино хугацаанд утаажилт үүсгэн, их хэмжээний гал түймэр гарах эрсдэлтэй тул урьдчилан сэргийлж, гэрлэн чимэглэлийн цахилгааныг хяналттай асаан, хүүхдийг асран хамгаалах хүнгүй орхихгүй байхыг онцгойлон анхааруулж байна. Мөн гацуур модны гэрлэн чимэглэлийн аюулгүй байдалд анхаарахыг зөвлөж байна.