“Хоригдсон эрх чөлөө” хэлэлцүүлгийн үеэр сэтгүүлч Н.Өнөрцэцэгийн өмгөөлөгч Б.Хонгорзул мэдээлэл өглөө.

        Тэрбээр “Н.Өнөрцэцэг сэтгүүлчийн бие өчигдрийн байдлаасаа дордсон. Одоогоор даралт нь унаад хэвийн байдлаасаа эрс муудаад эрсдэлтэй нөхцөл рүү шилжиж байна. Өчигдөр мэдэгдэл хийсэнтэй холбоотойгоор улсын Мөрдөн байцаах газраас өмгөөлөгч рүү ярьж,дарамтлах гэж үзсэн. Сая харин өмгөөлөгч нарт эрүүгийн хэрэг үүсгэсэн мэдээлэл гарлаа. Хууль хүн бүрийн өмнө эрх тэгш байна гэсэн заалт Н.Өнөрцэцэгт өөрөөр хэрэгжээд байна. Өлсгөлөн зарласныхаа төлөө сахилгад орж байна, бичгийн цаасан дээр тэмдэглэл үйлдэхэд бүх цаасыг нь урж байна. Н.Өнөрцэцэг бол зөвхөн эрх чөлөөгөө хязгаарлуулсан Монгол Улсын иргэн. Үндсэн хууль дээрх эрхээ баталгаатай эдлэх ёстой. Цагдан хорьж байгаа нь Эрүүгийн хэрэг хянан шийдвэрлэх үйл ажиллагааг саадгүйгээр явуулах нөхцөлийг бүрдүүлэх ёстой. Тэгэхээр Н.Өнөрцэцэг сэтгүүлч дээр Эрүүгийн хэрэг хянан шийдвэрлэх үйл ажиллагаа явагдахгүй, зүгээр хорьж байна" гэв.