Нүүрсний хэрэгт холбогдож,  яллагдагчаар татагдаад буй УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох шүүх хурал болж байна. Энэ үеэр “Эрдэнэс Тавантолгой"-н Гүйцэтгэх захирал асан Б.Ганхуяг үг хэллээ.

         Тэрбээр “Намайг үг хэлэх үеэр бүх шууд дамжуулалт түр зогслоо. Шүүх танхимын камер хэсэг хугацаанд гацсан. Хоёрдугаар сонсголд олон хүн бэлдэж байгаа. Учир нь, энэ сонсгол олон хүний амь амьдралыг шийднэ. Би тэдэнтэй адилхан өөрийгөө мэдээллээр хангуулах, бэлдэх боломжоор хангуулмаар байна. Иргэн бүрд тэгш эрх олгох Үндсэн хуулийн дагуу цагдан хоригдож байгааг минь өөрчилж өгөхийг хүсэж байна. Эрүүл мэндтэй холбоотой асуудлын хувьд одоо шууд ил гарахгүй юм билээ. Удаан хугацаанд цус, чөмгөнд нь шингэж удаан хугацааны дараа биеийг нь улам муутгадаг юм билээ. Одоохондоо би тийм их анхаарал хандуулахгүй байгаа. Гэхдээ хэдэн жилийн дараа миний бие муудвал хэн үүнийг хариуцах вэ” гэв.