Нүүрсний хэрэгт холбогдож,  яллагдагчаар татагдаад буй УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох шүүх хурал болж байна. Энэ үеэр Т.Аюурсайханы өмгөөлөгч П.Баасанжав үг хэллээ.

     Өмгөөлөгчдийн зүгээс гэрч, холбогдогчдын өмгөөлөгчдийн ирцийг бүрэн хангаагүй учир шүүх хурлыг хойшлуулах хүсэлтийг улсын яллагчид тавьж байгаа юм. Харин Улсын яллагчийн зүгээр энэ хэвээр шүүх хурлыг үргэлжлүүлэх нь зүйтэй гэдэг санал гаргаад байна.

      Тэрбээр “Улсын яллагчийн зүгээс гэрчүүд мөрдөн байцаалтын шатанд хангалттай мэдүүлэг өгсөн учраас гэрч оролцуулах шаардлагагүй гэж үзэж байх шиг байна. Бидний хувьд оролцуулах шалтгаан байгаа. Жишээ нь, н.Энх-Амгалан гэрчээс прокурорт мөрдөн байцаалтын шатанд гурван асуудлыг тодруулахаар хүсэлт гаргасан. Гэтэл ганцхан зээлтэй холбоотой асуудлын тодруулж асуугаад бусад асуудлыг нь тодруулахгүй орхисон байсан. Хүсэлтийн хангасан гэж байгаа боловч ажиллагаагаа бүрэн хийгээгүй. Үүнээс болж миний үйлчлүүлэгчийн эрх ашиг хөндөгдөж байна. Хэргийн бодит байдлыг тогтооход хангалтгүй  байна” гэв.