Нүүрсний сонсголын эхний шат өнгөрсөн долоо хоногт дууссан. Эхний ээлжийн сонсголоос жижиг Тавантолгойн асуудлыг судалсан бөгөөд ЭТТ ХК-ийн ерөнхий мэдээллийг сонссон. Харин хоёр дахь шатны сонсгол арванхоёрдугаар сарын 18-22-ны өдөр болох тов гарсан. Хуулийн хугацаагаар, гэрчүүдийг товоос долоон хоногийн өмнө зарладаг. Энэ дагуу, хоёр дахь шатны сонсголын гэрчүүдийг өнөөдөр зарлана гэж ХЗДХ-ийн сайд, УИХ-ын холбогдох Хянан шалгах түр хорооны дарга Б.Энхбаяр мэдээлсэн билээ.