Дотоодын цэргийн штабаас цэргийн албан хаагчтай холбоотой мэдээлэл өглөө.

                Энэ үеэр Дотоодын цэргийн штабын Захиргааны удирдлагын газрын дарга, хурандаа Д.Энхбадрах “Дотоодын цэргийн байгууллагаас хугацаат цэргийн албан хаагчдын асуудалд онцгой анхаарч ажилладаг. Тухайн албан хаагчийн хувьд одоогоор ямар нэгэн зүйл яриагүй байгаа. Гэмтэл согог судлал үндэсний төвийн сэхээн амьдруулах тасагт одоогоор эмчлэгдэж байна. Биеийн байдал нь их хүнд байна. бидний зүгээс бүх талын дэмжлэг туслалцааг үзүүлж байгаа. Ямар шалтгааны улмаас өндрөөс унасан талаар нь хууль хяналтын байгууллага тогтоохоор мөрдөн шалгах ажиллагаа явуулж байгаа. Цэргийн байр, бусад бүх байршилд хяналтын камер бий. Иймээс бичлэгээр тодорхой үлдсэн байгаа. Дотоодын цэргийн алба цэргийн албан хаагчдынхаа сэтгэлзүй, эрүүл мэндийн байдалд онцгой анхаарч ажилладаг” гэв