Өнөөгийн даяаршиж буй нийгэмд англи хэлний мэдлэг, чадвар орчин үеийн ажлын байрны нэг томоохон шалгуур болж байна. Иймээс бүх нийтийн англи хэлний мэдлэгийг дээшлүүлэх, идэвх зүтгэлийг дэмжих, тэргүүний сурагчдыг тодруулах үйлс бол боловсролын чухал зорилтын нэг юм. 

ОТИС-ийн ГХАТҮ тэнхим 2023 оны арванхоёрдугаар сарын 2, 3-нд “Англи хэл-2023” олимпиадыг хоёр үе шаттайгаар зохион байгууллаа. 2023 оны арванхоёрдугаар сарын 02-нд олимпиадын нэгдүгээр үе шатыг зохион байгуулж нийт 460 гаруй сурагчид амжилттай оролцлоо.

Тус олимпиадад Нийслэлийн ерөнхий боловсролын 460 сургуулийн сурагч оролцсон нь “Алсын хараа 2050” Монгол улсын урт хугацааны хөгжлийн бодлого болон “Боловсролын салбарын хөгжлийн дунд хугацааны төлөвлөгөөнд тусгасан (2021-2030) хүүхэд, залуучуудын олон улсад мэдлэг ур чадвараараа өрсөлдөх, ерөнхий боловсролын сургуульд олон улсын хөтөлбөр хэрэгжүүлэх, их дээд сургуулийн олон улсын эрэмбийг ахиулах боломжийг хангахад англи хэлний мэдлэг, боловсрол чухал гэдгийг илтгэн харуулж байна.

ОТИС-иас зохион байгуулсан англи хэлний олимпиадыг АНУ-ын Элчин сайдын яам, Нийслэлийн боловсролын ерөнхий газар, Баянзүрх дүүргийн боловсролын хэлтэс, “MCS Coca Cola”, “Аптон” олон улсын боловсролын байгууллага дэмжин хамтран ажиллав.

Энэхүү англи хэлний олимпиадын 2-р шатны илтгэлийн тэмцээнийг ОТИС-ийн англи хэлний багш, доктор, дэд профессор Р.Наранцэцэг, АНУ-ын Элчин сайдын яамны Фулбрайт хөтөлбөрийн мэргэжилтэн, зочин багш Scott Poteet, Фулбрайт хөтөлбөрийн мэргэжилтэн, ОТИС-ийн багш Эрин Роблес нарын бүрэлдэхүүнтэй шүүгчдийн баг ажиллалаа.

Англи хэлний олимпиадын хоёрдугаар шатанд нэгдүгээр шатнаас 50 сурагчид оролцож, онооны байдлаар дараах 15 сурагчид шалгарав.

            “Англи хэл миний амьдралд” сэдвээр англи хэлээр илтгэл хэлэлцүүлсэнээс, 1, 2, 3 болон тусгай байранд дараах сурагчид шалгарлаа. Үүнд: