Нүүрсний эхний шатны сонсгол өнөөдөр бол байна.  Энэ үеэр "Тавантолгой" компанийн нүүрс олборлолт, экспорттой холбоотой нотлох баримтыг шинжлэн судалж байгаа. Энэ үеэр УИХ-ын гишүүн О.Цогтгэрэлийн  асуусан асуултад  шинжээчид хариуллаа.

Тэрбээр “Нүүрсний жил дамнасан хүлээлттэй гол асуудлуудад хариулт өгөх сонсгол эхэлж байна. Жижиг Тавантолгой компани хэр хамааралтай байсан юм бол доо. Одоогийн удирдлагууд ирсэн үү. 2011-2021 оны хооронд 25-400 тэрбум төгрөгийн борлуулалт хийжээ. Тус компани 2022 онд 2.5 тонн нүүрс олборлоод 700 тэрбумын борлуулалтын орлого, 350 тэрбумын зардалтай ажиллажээ. 2023 онд хэчнээн хэмжээний нүүрс олборлож, хэдэн төгрөгийн ашигтай ажилласан бэ” гэв.

“Тавантолгой”ХК-ийн захирал Д.Артаг УИХ-ын гишүүн О.Цогтгэрэлийн асуултад хариуллаа. Тэрбээр “2023 оны хувьд уул уурхайн олборлолт, үйлдвэрлэлийн ажиллагаа хэвийн явж байгаа. Нүүрсээ биржээр борлуулж байгаа. 2023 оны бизнес төлөвлөгөө гурван сая тонн, бид энэ үр дүнд  арванхоёрдугаар сарын 31-нээс өмнө хүнч ажиллахаар төлөвлөж байна. Ашгийг өмнөх жилээс дутаахгүй байх үүрэгтэй. Өнгөрсөн оны түвшинд байлгахыг зорьж байгаа. Энэ жилийн санхүүгийн эхний хагасын байдлаар борлуулсан нүүрс өнгөрсөн оны түвшинд хүрээгүй” гэв.