Монгол Улсын Урлагийн гавьяат зүтгэлтэн, хөгжмийн зохиолч, төгөлдөр хуурч Б.Чинбат “Цасан вальс” нэртэй шинэ уран бүтээлээ гаргалаа. Түүний энэ удаагийн уран бүтээл шинэ жилийн баярыг илүү мэдрүүлж, баяр хөөр өгөхөөр бүтээгджээ. Тэрбээр уран бүтээлийнхээ талаар цахим хуудаснаа “Би хамгийн дуртай баяртаа зориулж шив шинэхэн шинэ жилийн Цасан Вальс аа хуучин оноо үдэж амжилт бүтээлээ тэмдэглэж буй бүх хүмүүстээ зориулж хайр шингээн бичлээ, олон зуун хүний сэтгэл, хүч хөдөлмөрөөр бүтээлээ” хэмээжээ.

             Б.Чинбат бага ангидаа “Баавгайн явдал”,  “Морины төвөргөөн” зэрэг хөгжмийн аязыг зохиож байжээ. Наймдугаар ангид байхдаа “Ая зохиогч хүүхдүүдийн улсын уралдаан”-д “Хангайн дуу” бүтээлээрээ оролцож шагнал авч байж. 1993 онд "Никитон" хамтлагийн гишүүн болжээ. Тэрбээр АНУ-д ажиллаж амьдарч байхдаа "Металлика", "U2", Алишиа Кейс, Арета Франклин, Стиви Вондэр, Пийбо Брайсон зэрэг уран бүтээлчидтэй нэг тайзнаа тоглож, дуучин Арета Франклины төгөлдөр хуурч, хөгжмийн найруулагчаар ажиллаж байв.  Мөн нүүдлийн цирк болох "Ringling Bros and Barnum & Bailey Circus"-д хөгжмийн зохиолчоор ажиллаж байжээ.

Чинбаа - Цасан вальс