Яармагийн 300 ортой эмнэлэг буюу Эх, нярай хүүхдийн үндэсний хоёрдугаар төвд  хэвтэн эмчлүүлж буй 0-2 насны 17 хүүхдэд сувилагч цагийн тариаг нь андуурч хийснээс зарим хүүхэд  таталт өгч, биеийн байдал нь муудсан талаар бид өмнө нь мэдээлсэн.Энэ талаар хэвтэн эмчлүүлж байсан хүүхдүүдийн ар гэрийнхэн хэвлэлд мэдээлэл өглөө. 

      Хүүхдүүдийн ар гэр “Хүүхдийн биеийн байдал тогтворжиж байна. Гэхдээ нэлээн сулбагар, унжгар байна. Тарианаас харшлаагүй. Анх тариа хийж эхлэхдээ сорил тавьж байгаад эмчилгээ хийдэг шүү дээ. Тарьсан тариа нь 2021 онд үйлдвэрлэсэн 2024 оны хоёрдугаар сард хугацаа нь дуусах тариа байна. Тийм тариагаар хүүхэд тарина гэж байх уу. Хэдий хадгалах хугацаа нь дуусаагүй байсан ч гурван жил хадгалсан тариаг хүүхдэд хийж болох юм уу. Тарианы хугацаа дуусахаас гурван сарын өмнө устгалд оруулдаг гэдэг. Эмнэлгийн удирдлагууд сувилагч нарын буруу гэж хэлсэн. Өчигдөр хоёр сувилагч тариа хийсэн. Хийхдээ тарианыхаа нэр, хугацааг нь танилцуулаагүй. Устгалд оруулах гэж байсан тариаг хүүхдүүдэд хийсэн байж болзошгүй” гэв.