Яармагийн 300 ортой эмнэлэг буюу Эх, нярай хүүхдийн үндэсний хоёрдугаар төвд  хэвтэн эмчлүүлж буй 0-2 насны 17 хүүхдэд сувилагч цагийн тариаг нь андуурч хийснээс зарим хүүхэд  таталт өгч, биеийн байдал нь муудсан талаар бид өмнө нь мэдээлсэн. Энэ талаар хэвтэн эмчлүүлж байсан хүүхдүүдийн ар гэрийнхнээс мэдээлэл өгч байна.

       Тус эмнэлэгт эмчлүүлж байгаа 12 настай охины ээж “Өчигдөр 22:00 цагийн тариа хийсэн. 23:00 цагийн үед “Хүүхэд чинь эвгүй байна. Тариа андуураад хийчихсэн байж магадгүй хурдан ирээрэй”  гэсэн. Эм уулгаад сандал дээр удаан суулгасан байсан. Тэгээд бөөлжөөд ухаан алдахад нь өрөөнд нь оруулсан байсан. Шөнөжин халуурсан, одоо хүртэл унтаж байна. Хоёр өрөөний хүүхдүүдийн тариаг хийгээд эхнээсээ хүүхдүүдийн бие эвгүйрхээд ирэхээр нь тариагаа зогсоосон гэсэн” гэв.