Өчигдөр буюу арваннэгдүгээр сарын 22-нд Дорнод, Сүхбаатар аймгуудын нутгаар цаг агаарын нөхцөл байдал хүндэрч цасан шуурга болсон тухайн цаг үед /18.00-19.00/ Сүхбаатар аймгийн Эрдэнэцагаан сумын долдугаар багийн иргэн н.Гантогоо, нэгдүгээр багийн иргэн н.Зулаа нар гурав болон таван настай хоёр хүүгийн хамт өвлийн идшээ бэлтгэх зорилгоор сумын төвөөс 18 км зайд Чандмань-Овоо нэртэй газар Nissan Frontier маркийн машинтай явж байгаад цасанд сууж түлш дууссан байхад Хилийн цэргийн 0146 дугаар ангийн хошууч Ю.Баттулга, дэслэгч Б.Наранбат, ахлах ахлагч Т.Түшигтулга нарын бүрэлдэхүүнтэй хилд үүрэг гүйцэтгэж явсан бүлэг таарч амь насыг нь аварсан байна. Хилчид уг иргэдэд анхны тусламж үзүүлэн унаж явсан машиныг цаснаас гаргаж, түлшээр хангасан байна.