УИХ-ын Үйлдвэржилтийн бодлогын байнгын хороо Тавантолгой–Гашуунсухайт чиглэлийн төмөр замын бүтээн байгуулалтад зарцуулсан хөрөнгө, үр дүнгийн   талаарх Үндэсний аудитын газрын тайлан болон. Тавантолгой–Зүүнбаян чиглэлийн төмөр замын бүтээн байгуулалтад зарцуулсан хөрөнгө, үр дүнгийн талаарх Үндэсний аудитын газрын тайлангийн талаар хэлэлцэж байна. Энэ үеэр УИХ-ын гишүүн Ж.Бат-Эрдэнэ асуулт асууж, үг хэллээ.

Тэрбээр “Тавантолгой–Гашуунсухайт чиглэлийн төмөр зам өөр “Энержи Ресурс” компанитай гэрээ хийсэн байсан. Үүнийг цуцалсан. Ингээд төр өрөө замаа хийнэ гээд Зам, тээвэр хөгжлийн яам хийхээр болсон. Санхүүжилтийг тухайн үед анхны схемийн би гаргасан. Төрийн өмчит компани төмөр замаа хийж байгаа тохиолдолд “Эрдэнэс таван толгой” компанийн хөрөнгө оруулалтыг оруулаад, тодорхой хэмжээний 20-30 хувийг нь эзэмшээд явъя гэсэн. Бүрэн “Эрдэнэс таван толгой” компанийн хөрөнгө оруулалтаар хийгдлээ гэлээ. Анхнаасаа 100 хувийн хөрөнгө оруулна гэж тохирсон юм уу. Ийм шийдвэр хэзээ гарсан юм бэ. Өөрөөр хэлбэл “Эрдэнэс таван толгой” компанийн ноогдол ашиг өгөх ёстой мөнгөөр төмөр зам тавьсан гэсэн үг. Захиалагч, гүйцэтгэгч тодорхойгүй байна” гэв.