• Өнөөдөр 2025-08-19

С.ТАЙВАН: ЕРӨНХИЙЛӨГЧИЙН НЭР ТӨРД ХАЛДСАН ИРГЭН М, А НАРЫГ БАРИВЧИЛСАН

2023-11-21,   553

    Үндэсний аюулгүй  байдлын зөвлөлөөс үндэсний аюулгүй байдалд нөлөөлж болох гэмт хэргийн шинжтэй үйлдлийн талаар мэдээлэл өглөө.

        Энэ үеэр ЦЕГ-ын Кибер гэмт хэрэгтэй тэмцэх албаны дарга, дэд хурандаа С.Тайван “Цахим сүлжээнд Монгол Улсын Ерөнхийлөгчийн нэр төрд халдаж, худал мэдээлэл тараасан гэмт хэргийн талаар мэдээлэл өгье. Энэ сарын 19-ний өдөр БНХАУ-ын тик ток апплейкшн дээр Цахим ертөнц нэртэй хаягаас deepfake буюу хуурамчаар Ерөнхийлөгч У.Хүрэлсүхийн есдүгээр сарын 1-ний өдөр нийтэлсэн “Дэлхийн нийслэл хархорум” гэх теле хичээлийн дүрс бичлэгийг хятад хэлээр ярьж байгаа мэт өөрчилсөн. Энэ асуудлаар цагдаагийн байгууллага мөрдөн шалгах ажиллагаа явуулахад, уг бичлэгийг иргэн М, А нар нь цахим сүлжээнд тараасан. Үндэсний тусгаар тогтнол, эв нэгдлийг эвдрэлцүүлж, бусдыг нэр хүндэд халдах, илтэд худал тараасан байж болзошгүй нөхцөл байдал тогтоогдсон учир энэ сарын 20-ны өдөр сэжигтнээр татан мэдүүлэг авч, Эрүүгийн хуулийн 31.5 заасны дагуу шүүхийн зөвшөөрөлгүйгээр баривчилсан” гэлээ.

 


С.ТАЙВАН: ЕРӨНХИЙЛӨГЧИЙН НЭР ТӨРД ХАЛДСАН ИРГЭН М, А НАРЫГ БАРИВЧИЛСАН
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.