“Эрдэнэт”-ийн 49 хувийн шүүх хурал өнөөдөр боллоо. Тус хуралд оролцсон Ерөнхий сайд асан Н.Батбаяр “Энэ удаагийн шүүх хурал арванхоёрдугаар сарын 29 хүртэл хойшиллоо. Тус хэрэгт би яллагдагчаар татагдсан. Дарханы төмөрлөгийн үйлдвэрийн концессийн гэрээг байгуулж, Засгийн газрын тогтоол гаргасан хэргээр хэрэгт холбогдож байгаа. Дарханы төмөрлөгийн үйлдвэр сүүлийн зургаа, долоон Засгийн газар дамжиж явсан асуудал. Би “Эрдэнэт”-ийн 49 хувийн хэрэгт ямар ч холбоогүй. Дарханы төмөрлөгийн үйлдвэр Ерөнхий сайд С.Баярын үед эхэлсэн. Хохирол учирсан эсэхийг шүүх шийднэ. Дээд шүүхээс тус хэргийг хоёр үндэслэлээр буцаасан байдаг. Нэгдүгээрт, холбогдогч гэж үзэж байгаа Ерөнхийлөгч асан Ц.Элбэгдорж, Ерөнхий сайд асан Ч.Сайханбилэг, Д.Эрдэнбилэг нар байхгүй байна. Тэднийг хуралдаанд оруулж, шийдэхгүй бол маргаан шийдэгдэхгүй гээд буцаасан байдаг юм билээ. Тэд өнөөдрийн хуралдаанд ч мөн оролцоогүй. Хууль, хяналтын байгууллага хоёр жилийн хугацаанд шүүхийн хуралдаанд оруулах ажлыг хийж чадахгүй байгаа юм бэ” гэв.