"Номин талст" хамтлагийн дуучин Т.Дэлгэрмөрөнгийн төрсөн өдөр өнөөдөр тохиож байна. Түүний баяр дээр баяр нэмж ирсэн хайртай охин Д.Зөөлөнсийгийн төрсөн өдөр мөн өнөөдөр аж. Охин нь төрсөн өдрөөрөө “Огт оргүй” хэмээх уран бүтээлээ гаргажээ. Тэрбээр дууныхаа үг, аяыг өөрөө бичсэн гэнэ.  

      "Номин талст" хамтлаг нь  1997 онд  Д.Батсүх, А.Хаянхярваа, Т.Дэлгэрмөрөн, Т.Хангэрэл нарын 17-19 насны залуусын бүрэлдэхүүнтэйгээр байгуулагдаж байжээ. 1995 онд “Номин” дууны хамтлаг, “Талст” нэртэй бүжгийн хамтлагтай нэгдсэнээр 12 бүжигчинтэйгээр "Сүүлчийн удаа", "Гэрэл сүүдэр" зэрэг анхны уран бүтээлүүдээ залууст хүргэж байжээ. Сүүлд хамтлагийн бүтцэд өөрчлөлт орж, А.Хаянхярваа, Т.Дэлгэрмөрөн, Т.Хангэрэл нарыг элсүүлж өнөөдрийн бүрэлдэхүүн бүхий хамтлаг байгуулагдсан түүхтэй.