УИХ-ын чуулганы нэгдсэн хуралдаан үргэлжилж байна. Энэ үеэр Үндсэн хуулийн цэцийн гишүүнд нэр дэвшиж байгаа гурван гишүүдийн талаар санал, сэтгэгдлээ УИХ-ын гишүүд илэрхийлж байна. Зам, тээврийн сайд С.Бямбацогт “Монгол Улсын Үндсэн хуулийн цэцийн гишүүнээр нэр дэвшиж байгаа гурван хүнийг дэмжиж байгаа. Монголын төрд бэлтгэгдсэн, зөв бодолтой, сэтгэлтэй, мэдлэгтэй хүн хэрэгтэй. Би гурвуулантай нь хамтран ажиллаж байсан. Ерөнхийлөгчийн санал болгосон Мөнхсайхан, УИХ-аас санал болгож байгаа Өлзийсайхан дарга 2016 онд Хууль зүй, дотоод хэргийн сайдаар ажиллаж байсан Энхтуяа дарга  20-иод жил яамандаа ажилласан туршлагатай боловсон хүчин. Үндсэн хуулийн цэцийн гаргаж байгаа шийдвэрүүд асуудалтай байдаг. Үндсэн хуулийг нэмэлт, өөрчлөлтийг хийх сайлшгүй шаардлага байгаа. 21 аймгийн төвийг хот болгох эрх зүйн асуудал хэрэгжихгүй байгаа. Энэ асуудал дээр анхаарал тавьж ажиллахыг хүсэж байна” гэлээ.