Засгийн газрын хуралдаанаас гаргасан шийдвэрүүдийг танилцуулж байна. Энэ үеэр Сангийн сайд Б.Жавхлан мэдээлэл өглөө.

Тэрбээр “Өнгөрсөн долоо хоногт Монгол Улсын 2024 оны төсөв батлагдсан. Нийт шинээр батлагдсан төсөл хөтөлбөрүүдийн дагуу тендерүүд зарлагдана. 2024 оны төсвийн хөрөнгө оруулалтаар нийт 4.9 их наяд төгрөгийн төсөвт өртөг бүхий 692 шинэ төсөл арга хэмжээ эхэлнэ.

• Зам тээврийн салбарт 1.5 наяд төгрөгийн өртөг бүхий 80 төсөл арга хэмжээ,
• Боловсролын салбарт 977 тэрбум төгрөгийн төсөвт өртөг бүхий 173 төсөл арга хэмжээ,
• Соёлын салбарт 153.7 тэрбум төгрөг бүхий 44 төсөл,
•  Барилга, хот байгуулалтын салбарт 423.9 тэрбум төгрөгийн 59 төсөл,
•  Эрчим хүчний салбарт 202.3 тэрбум төгрөгийн өртөг бүхий 35 төсөл арга хэмжээ,
• Эрүүл мэндийн салбарт 398.4 тэрбум төгрөгийн 78 төсөл арга хэмжээг хийнэ.