Салхитын мөнгөний орд болон шүүгч нарын авлигын тухай иргэн Ш.Мөнгөншагай баримт дэлгэж мэдээлэл хийж байна.

Тэрбээр “ Би салхитын мөнгөний ордны гэх хэрэгт гол зохион байгуулагчаар ажиллаж, авлигал авсан гээд шүүхээс гурван жилийн ял авч байсан. Намайг авлигал өгсөн гэж ял өгсөн хэрнээ авлигал авсан хүн тодорхойгүй шийдэгдсэн. Авлигал өгсөн хүн байгаад авсан хүн нь байхгүй. Т.Мөнхбаярын шүүх хурал дээр 27 сая төгрөгөөр торгосон байна. Шударга бус байна. Тэр хүн авлигал авсан. Миний хувьд хэрэг дууссан. Салхитын мөнгөний орд бол шүүгчид авлигал авсан гэж явсан. Энэ бүх ажлыг зохион байгуулсан хүн нь Т.Мөнхбаяр. Би шоронд хоёр удаа цус харвасан. Нийгэмд би баахан шүүгч ажилчдад авлигал өгсөн болж ял авсан. Гэхдээ авсан хүн нь тодорхойгүй. Ерөнхийдөө тухайн үеийн Монгол Улсын Ерөнхийлөгч, УИХ-ын дарга хоёрын хийсэн хулгай. Т.Мөнхбаяр бол Ерөнхийлөгч Х.Баттулгын гар хөл. Миний авсан мэдээллээр нэг тонныг нь 106 ам.доллароор гэрээ хийж гаргаад цаана нь 700 орчим ам.доллароор худалдаж авч байгаа. Надад ч ийм санал ирж байсан. 106 ам.доллароор гэрээ хийгээд өгье 80 ам.доллар нь минийх болно гэсэн санал байсан. 186 ам.доллароор зарагдах ч цаасан дээр 106 ам.доллар гэж явагдана.  Энэ үнийн дүн бүүр өсөөд 700 ам.доллар болсон байна. Хулгай, авлигатайгаа тэмцэнэ гэж ярьдаг ч биелэхгүй байна” гэв.