326 дугаар ангид цэрэг нас барсан хэргийн талаар Мөрдөн байцаах албаны дарга, цагдаагийн хурандаа Н.Мишигдорж мэдээлэл өглөө.

Тэрбээр “Цэргийн байранд хугацаанд цэргийн алба хааж байсан цэрэг нас барсан байна гэх мэдээлэл Хан-Уул дүүргийн цагдаагийн газарт ирсэн. Мөрдөн шалгах ажиллагааны явцад гэрчүүдээс мэдүүлэг авах, тухайн анги байрлалд байгаа хяналтын камерт үзлэг хийх зэргээр талийгаачийн үхлийн шалтгааны тогтоохоор шүүхийн шинжилгээ хийсэн. Мөн цэргийн алба хаагчдын ундны ус, тухайн өдөр идсэн хоолноос дээж авч, шалгаж байна. Мөрдөн шалгах ажиллагаагаар 2023 оны арваннэгдүгээр сарын 12-ны өдөр талийгаач нь нэгдүгээр салааны 25 байлдагчийн хамтаар өглөө босоод бие тамирын дасгал хийсэн, өглөөний цайндаа орсон, гадна цас цэвэрлэх, оройн хоолондоо болон тоондоо хамрагдсан. Тухайн ангийн цагийн хуваарийн дагуу үйл ажиллагаанд ороод 22:34 цагт амралтынхаа байр руу орсон. Арваннэгдүгээр сарын 13-ны 06:00 цагт босох цагтаа босоогүй учир шалгаж, цагдаад дуудлага өгсөн байсан. Хуульд заасан журмын дагуу шүүх шинжилгээ хийсэн. Одоогоор шинжээчийн дүгнэлт гараагүй байна. Талийгаачийн ар гэрийнхний хүсэлтийн дагуу ангийн камерын бичлэгийг өнөөдөр 13:00 цагт ар гэрийнхэнд нь үзүүлнэ. Прокурорын зөвшөөрлөөр үзүүлнэ. Урьдчилсан дүгнэлт гэж байхгүй” гэв.