НИТХ-ын ээлжит бус XVI хуралдаан өнөөдөр болж, Нийслэлийн Засаг дарга бөгөөд Улаанбаатар хотын Захирагч Х.Нямбаатар нийслэлийн 2023 оны төсөвт өөрчлөлт оруулах тухай асуудлыг хэлэлцлээ. Энэ үеэр НИТХ-ын төлөөлөгч С.Эрдэнэбаяр асуулт асууж, үг хэллээ.

         Тэрбээр “Нийслэлийн есөн дүүргээс хоёр дүүрэг нь татаастай дүүрэг байдаг. Налайх болон Багахангай дүүрэг. Би урьд нь төсвийн тодотголтой холбоотойгоор энэ асуултыг асууж байсан. Зарим албан тушаалтан нь өөрчлөгдсөн байна. Төсөв батлагдсанаас хойш буюу 2022 оны арванхоёрдугаар сарын 1-нээс эхлэн Багануурын нүүрсний уурхайгаас өгч байгаа нүүрсний үнэ 41250 төгрөгөөс  57750 төгрөг болж өссөн. Тэгэхээр Багахангай дүүргийн хувьд халаалтын зөрүү өгдөг. Энэ нь нүүрсний үнэ болон эрчим хүчний үнийг өсөлттэй холбоотойгоор 100 сая төгрөгийг зөрүү үүсээд байна. Энэ асуудлаар Багахангай дүүргийн Засаг дарга холбогдох албан тушаалтнуудад саналаа хүргүүлсэн. Энэ төсөв тусгагдаагүй байна. Энэ асуудлыг хэлэлцэхгүй бол тэнд дулаа тасалдах эрсдэлтэй байна” гэв.