УИХ дахь Ардчилсан намын бүлгээс төсөвтэй холбогдуулан мэдээлэл хийлээ.

          Ардчилсан намын дарга О.Цогтгэрэл “Монголын төр мангастай зүйрлэм болчихлоо. Төсөв нь томроод байдаг. Ерөөсөө том төрийн тухай яриа л даамжирч байна. 2024 оны төсөв бол авлигыг хуульчилж байгаа төсөв болж байна. 27 их наядын төсвийн үр дүнгээр ирэх жил үнийн өсөлт бүр гаарна. Мөн иргэн, бизнесмений орон зай хумигдана. Ирэх жилийн төсвөөс үүдэн төр том, бизнес жижиг улс болохоор байна. 2024 оны төсвийн хуулийг дагалдуулж оруулж ирсэн Биржийн тухай хуулиар БЭТ тавина гэсэн. Биржээр нүүрсээ арилжаалахаар ашиг орлого нэмэгдэж байна гэсэн. Гэтэл одоо биржгүйгээр нүүрсээ арилжаална гэж байна. БЭТ нүүрсээ зарах нь. 2024 оны төсвийн бодит байдлыг судлан шинжилж цааш хүргэхийг хүсч байна. Улс орны эрх ашгийг бодоогүй төрийг мангас болгосон, хууль бус зүйлийг өөгшүүлсэн төсөв болж байна" гэв.