УИХ-ын гишүүн С.Одонтуяа мэдээлэл өглөө.

Тэрбээр “Өглөө цахим сүлжээнд ороод яллагдагчаар татсан талаарх мэдээг харчихаад адилхан нэртэй хүн юм байх гэж бодсон. Гэхдээ сүүлдээ миний зураг гарч ирсэн. Миний хамгийн эмзэглэж байгаа нь гарчиг дээрээ “Одонтуяаг яллагдагчаар татлаа” гэсэн байсан. Энэ бол нийгэмд буруу ойлголт өгөн, хүмүүс тэр бүр мэдээ рүү нь орж үзэхгүй. Тэр сайт надаас албан ёсоор уучлалт гуйх ёстой. АТГ нь албан ёсоор яллагдагчаар татаж, мэдээлэл өгөөгүй байхад тэр сайт бичиж болохгүй. Буруу мэдээлэл тавьсан байна гэж хэлтэл эрхлэгч нь “Сүртэй юм, дотор нь өөр юм бичсэн байгаа” гэж хэлсэн. Сэтгүүлчид мэдээлэл тавьж болно. Гол нь гарчиг нь буруу ойлголт өгч байна. Би 2016-2020 онд Баянгол дүүргийн Засаг даргаар ажиллаж байсан. Энэ хугацаанд ААН-үүдийг дэмжихийг хичээсэн. “Тэнүүн-Огоо” ХХК олон ажилтантай. Тэр утгаар нь онцгой байдлын сургалтыг хоёр удаа хийсэн. Тэрнээс хойш компанийн захиралтай нь тааралдаагүй. Надтай Баянгол дүүргийн бүх хүнийг хамаатуулах юм уу. Би шагнал олгохын тулд хөөцөлдөж байгаагүй. Сайтаа уншууртай байлгахын тулд ийм ёс зүйгүй байж болохгүй” гэв.