Зам, тээврийн хөгжлийн сайд С.Бямбацогт мэдээлэл өглөө.

Тэрбээр “Хөрөнгө оруулалтын зардал дээр нэг их наяд орчим төгрөг байгаа.Нийт 56 шинэ төсөл арга хэмжээ хэрэгжинэ. Монгол Улс 21 аймаг, 100 орчим сумаа хатуу хучилттай замаар холболоо. Одоо аймаг хоорондын автозамаар холбох ажилд нэлээн хөрөнгө тавьж байгаа. Мөн 350 орчим тэрбум төгрөгөөр эвдэрсэн замуудад их засвар хийх мөнгө суулгаж байгаа. Сүүлийн 30 жилд зас засварын төсөв дээр маш бага мөнгө төсөвлөдөг байсан. Ирэх жил 650 орчим километр замд засвар хийнэ. Ховд аймаг 17 сумтай үүнээс Дуут сумаас бусад нь хатуу хучилтай зам тавина. Хөдөлгөөн ихтэй замуудыг өргөтгөж дөрвөн эгнээтэй болно” гэв.