Нийслэлийн Нэгдүгээр орлогч даргаар ажиллаж байсан Ж.Сандагсүрэн ногоон автобусны талаар мэдээлэл өглөө. Тэрбээр “Ногоон автобусны асуудлаар АТГ-т шалгагдаж, мэдүүлэг өгсөн. Өнгөрсөн хугацаанд би 2000 гаруй захирамжтай танилцаж, гарын үсэг зурсан байна лаа. Тухайлбал, 300 тэрбум төгрөгөөр автобус худалдаж авах захирамжинд гарын үсэг зурсан. Харин хаана алдаа гарсныг хуулийн байгууллагынхан шалгаж, тогтооно. Мөн 80 гаруй Ажлын хэсгийг ахалж ажилласан байна. Ингэхдээ бид шинэ автобус ирнэ гэх хүлээлттэй байсан. Шинжээч нарын комиссын шийдвэрээр автобус хуурамч эсэх нь эцсийн байдлаар шийдэгдэнэ” гэлээ.