МАН-ын Бүлгийн дарга Д.Тогтохсүрэн тэтгэвэр нэмэх зардлын эх үүсвэрийн талаар мэдээлэл өглөө. Тэрбээр “Урсгал зардлыг 2.51 хувиар багасгаж, тэтгэврийн нэмэгдлийн эх үүсвэрийг 140 тэрбум  төгрөгөөр нэмэгдүүлнэ. Тэгэхээр тэтгэврийн эх үүсвэр 448 тэрбум төгрөг болж байгаа юм. Бидний тооцоолж байгаагаар бага тэтгэвэр авдаг хүмүүсийн тэтгэврийг 100 мянган төгрөгөөр нэмнэ гэж тооцоолсон. Хоёрдугаарт, УИХ төсвийн тэнцэл сайжруулах үүрэгтэй. 590 тэрбум төгрөгөөр орлого нэмэгдүүлж, төсвийн тэнцлийг 590 тэрбум төгрөгөөр сайжруулж байгаа юм. Гуравдугаарт, урсгал зардлыг болон хөрөнгө оруулалтыг нэмэгдүүлж байгаа. Төсвийн өөрчлөлт болон үнийн өөрчлөлт хийсэн газруудыг магадлангаар оруулж, хянасан газруудыг улсын төсөвт тусгана гэсэн. Үүний дагуу Засгийн газар есдүгээр сарын 29-нд өргөн барьсан төслийг үүнээс хойш аудит хийсэн 107 объектыг төсөвт суулгасан” гэлээ.