Цагдаагийн байгууллагад 2023 оны арваннэгдүгээр сарын 3-ны өдрийн 00 цаг 15 минутад Төв аймгийн Баян-Өнжүүл сум, Бараат нэгдүгээр багийн нутаг дэвсгэрт “Зам тээврийн осол гарсан” гэх дуудлага, мэдээлэл бүртгэгдсэн.
 
Тус аймгийн цагдаагийн газраас шалгахад Улаанбаатараас Өмнөговь аймгийн чиглэлд шатахуун тээвэрлэж явсан "North Benz" маркийн тээврийн хэрэгсэл замын хажуу руу онхолдож, ослын улмаас жолооч 39 настай, эрэгтэй гэмтсэн хэрэгт мөрдөн шалгах ажиллагаа явуулж байна.
 
Мөн ослын улмаас тээвэрлэж явсан 40 тонн түлшнээс 15 тонн орчим түлш асгарсныг Онцгой байдлын байгууллагаас саармагжуулах ажиллагааг хийсэн байна.