УИХ-ын нэгдсэн чуулган хуралдаж байна. Хуралдаанаар Улаанбаатар хотын  замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төсөл болон хамт өргөн мэдүүлсэн хуулиудын хэлэлцэх эсэх асуудлыг хэлэлцэж байна. Энэ үеэр гишүүд асуулт асууж, хариулт авч байна. Энэ үеэр УИХ-ын гишүүн Ц.Сандаг-Очир асуулт асуулаа.

      Тэрбээр “Улаанбаатар хотын есөн дүүргээс 2040 он хүртэл төлөвлөгөөтэй хэдэн дүүрэг байгаа вэ.Хэсэгчилсэн ерөнхий төлөвлөгөөтэй явж байна уу. Ерөнхий төлөвлөгөөгөө хийж батлуулсан дүүрэг байгаа юу. Төлөвлөгөөний хэрэгжилтийг дүгнэж үзсэн үү. Ерөнхий төлөвлөгөөг асар олон тооцоо судалгаа, хөрөнгө хүч гарч хийдэг. Харамсалтай ерөнхий төлөвлөгөө хуульчлагдаж, мөрдөгдөж чаддаггүй. Хотын үе үеийн дарга нар ерөнхий төлөвлөгөөг барьж ажиллаагүйгээс өнөөдрийн Улаанбаатар хот эмх замбараагүй байдал бий  болсон.  Цаашид ерөнхий төлөвлөгөөг барьж ажиллах, гүйцэтгэлийг зөрчвөл ямар хариуцлагатай байхыг энэ хуульд хэрхэн тусгаж байгаа юм. Улаанбаатар хотын өсөн нэмэгдэж байгаа эрчим хүч, дулааны хэрэгцээг станцууд хангаж чадаж байгаа юм.