УИХ-ын нэгдсэн чуулган хуралдаж байна. Хуралдаанаар Улаанбаатар хотын  замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төсөл болон хамт өргөн мэдүүлсэн хуулиудын хэлэлцэх эсэх асуудлыг хэлэлцэж байна. Энэ үеэр гишүүд асуулт асууж, хариулт авч байна. Энэ үеэр УИХ-ын гишүүн Х.Ганхуяг асуулт асууж, үг хэлээ.

     Тэрбээр “Ногоон санхүүжилт элбэг болсон. Улаанбаатар хотод байгаа бүх яндангаа тоолох хэрэгтэй. Гаргаж байгаа утааных нь хэмжээг гаргах хэрэгтэй. Яндан буурсан хэмжээгээр бид буцаагаад мөнгө авах боломжтой. Мөнгөний бодлого, төсөв батлагдах гэж байгаа энэ үед  ипотекийн зээлийн 60 хувийг орон нутгийн гишүүд авч явна гэсэн УИХ тогтоол батлуулах гэж байгаа. Ипотекийн зээлийн 10-20 хувийг яг гэр хороололд зориулсан хөрсний бохирдолгүй эко нойлтой, эрчим хүчний хэмнэлттэй байрууд дээр ипотекийн зээлийг гаргаж өгөөд яндангийнх нь тоог бууруулж чадвал нийслэлийн санхүүгийнхэн олон улсаас санхүүжилт авах боломжтой” гэв.