Цас орж, халтиргаа, гулгаа ихсэж байгаатай холбогдуулан ГССҮТ-өөс халтиргаа, гулгаанаас сэргийлэх зөвлөмж гаргасан байна. Ингэхдээ ГССҮТ-ийнхөн “Халтирч унахаас сэргийлж, бага зэрэг өвдгөө нугалж, бөгтийж алхах, халтирдаггүй резинен ултай гутал өмсөх, халтиргаа гулгаатай газраар явахдаа болгоомжтой байх, автозам дээр халтирч унахаас сэргийлж, зам гарахдаа гүйхгүй байх"-ыг анхааруулсан байна.

    Тус эмнэлэгийн ажилтнуудын гаргасан зөвлөгөөг иргэд шүүмжилж байгаа. Энэ талаар ГССҮТ-ийн мэргэжилтнээс тодруулахад “Хэн тус постерийг хийсэн болохыг мэдэхгүй байна. Өмнө нь манайх "пингвин шиг алх" гэж зөвлөөд олон нийтийн шүүмжлэлд өртөж байсан. Энэ удаад утга, найруулгадаа анхаарч, болгоомжтой алхахыг задалж бичсэн боловч дахин иргэдийн шүүмжлэлд өртөж байна. Тиймээс мэргэжлийн эмч нарын зөвлөгөөг олон нийтэд хүргэх нь зөв” гэсэн юм.