Сагсан бөмбөгийн дээд лигийн тамирчид МСБХ болон багийн эздийн дунд үүссэн үл ойлгоцын талаар мэдээлэл хийж байна. Энэ үеэр “Хасын Хүлгүүд” багийн гишүүн ОУХМ Б.Билгүүн үг хэллээ.

Тэрбээр “Таван баг лигт оролцох боломжгүй болоод байна. Манай баг, багийн эздийн шийдвэрийг дагаад дээд лигт оролцохоор байгаа. Би хувь хүний зүгээс тамирчид бүгд нэг лигт тоглох нь зөв гэсэн байр суурьтай байна. Тамирчид бүгд нэг лигт тоглоно гээд бэлтгэлээ хийж байсан. Би багаа төлөөлж биш хувь хүний зүгээс ирж саналаа хуваалцаж байна. Тамирчид нэг лигт тоглох хүртэл би Хасын Хүлгүүд багийн бүрэлдэхүүнээс тоглохгүй” гэв.