Нүүрсний хэрэгт холбогдож,  яллагдагчаар татагдаад буй УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох шүүх хурал болж байна.Энэ үеэр Б.Ганхуягийн өмгөөлөгч Д.Нямдорж үг хэллээ.

Тэрбээр “Ирц дутуу байхад шүүх хуралдаан зохион байгуулж байгаа нь сонирхолтой харагдаж байна. Монгол Улсын нутаг дэвсгэр дээр байгаа хүмүүсийг цахимаар оролцуулахгүй. Эрхэм прокуроруудаа Монгол Улсын хуульд заасны дагуу хүн өмгөөлүүлэх эрхтэй. Өмгөөлөгч ирээгүй байгаагийн төлөө цагдан хорьж, таслан сэргийлэх арга хэмжээний асуудлыг дарамтлах байдлаар хэлэхгүй. Тиймээс ирэх ёстой гэрч, шинжээчид ирээгүй байгаа учраас шүүх хуралдааныг нэг удаа хойшлуулж өгөөч. Таслан сэргийлэх арга хэмжээг өөрчилж, хүний эрхийг хамгаалах зарчмаа хамгаалж шийдвэр гаргаасай гэж найдаж байна” гэв.