Нийслэлийн прокурорын газраас Т.Бадамжунай болон  Э.Жаргалсайхан, Д.Баярсайхан, Д.Бямба-Очир нарт холбогдуулсан шүүх хурлын урьдчилсан хэлэлцүүлэг болж байна.Т.Бадамжунай цус харвасны улмаас хүрэлцэн ирэх боломжгүй байгаа бөгөөд прокурорууд болон өмгөөлөгчдийн зүгээс хүндэтгэх шалтгааны улмаас шүүх хуралдааныг хойшлуулах санал гаргалаа.

Яллагдагч Э.Жаргалсайхан, Д.Баярсайхан, Д.Бямба-Очир нарт санал байхгүй бөгөөд өмгөөлөгчидтэйгөө ижил саналтай байна гэв.

Энэ үеэр Яллагдагч Д.Бямба-Очирын өмгөөлөгч н.Мөнхбат "Нэг яллагдагч нь  эрүүл мэндийн шалтгаанаар нотолсон баримтаа ирүүлээд шүүхийн урьдчилсан хуралдаандаа биечлэн оролцох хүсэлтэй тул хойшлуулж өгөх хүсэлт өгсөн нь үндэслэлтэй байна. Түүний өмгөөлөгчийн өгсөн хүсэлт ч үндэслэлтэй байна. Шүүхийн урьдчилсан хэлэлцүүлгээс давж, цааш шүүхэд шилжсэн тохиолдолд хэрэг буцаах, нэмэлт ажиллагаа хийлгэх боломжгүй. Тиймээс хэргийг буцаах уу, үгүй юү гэдэг чухал ач холбогдолтой шат юм. Ирцийн асуудлыг эхний ээлжид авч хэлэлцэх нь зөв гэж бодож байна. Тиймээс хойшлуулах үндэслэлтэй гэж харж байгаа" гэв.