АТГ-ын мэргэжилтэн сүүлийн үеийн мөрдөн шалгах ажлын үр дүнгийн талаар мэдээлэл өглөө.

    Тэрбээр "НЗДТГ-аас Тагнуулын байгууллага руу автобусны талаар зөвлөмж хүссэн бичиг явуулсан байсан. Зөвлөмжийн дагуу “Сангийн яамнаас тодруулна уу, автобустай холбоотой асуудал үндэсний аюулгүй байдалд орж болох юм” гэсэн хариу ирсэн. Харин Сангийн яамнаас “Холбогдох хууль журмын дагуу зохион байгуул. Худалдан авах ажиллагааг тухайн хуульд хамаарахгүй” гэх  бичгийг НЗДТГ-ын холбогдох албан тушаалтанд хүргүүлсэн. Энэ хэрэгт 11 иргэний 16 объектэд нэгжлэг хийгээд, 25 хүнд эрүүгийн хэрэг үүсгэж, яллагдагчаар татсан. Мөн нэр бүхий арилжааны банкны дансанд буй 3.4 сая ам долларын шилжилт хөдөлгөөнийг хаасан. Энэ хэрэгт БНСУ-ын дөрвөн иргэнд эрүүгийн хэрэгт үүсгэн яллагдагчаар татсан. Тэдний хоёр нь цагдан хоригдож, хоёр нь хилийн хориг тавиулж, шалгуулж байгаа” гэлээ.