Нийслэлийн прокурорын газраас Т.Бадамжунай болон  Э.Жаргалсайхан, Д.Баярсайхан, Д.Бямба-Очир нарт холбогдуулсан шүүх хурлын урьдчилсан хэлэлцүүлэг болж байна.Т.Бадамжунай цус харвасны улмаас хүрэлцэн ирэх боломжгүй байгаа бөгөөд прокурорууд болон өмгөөлөгчдийн зүгээс хүндэтгэх шалтгааны улмаас шүүх хуралдааныг хойшлуулах санал гаргалаа.

Энэ үеэр өмгөөлөгч Н.Цэцэгмаа “ Есдүгээр сарын 25-ны өглөө ухаангүй байдалтай байсан. Эмнэлэг онош тогтоож чадахгүй хэд хэдэн эмнэлэг дамжсан. Зүүн талын гар, хөл хөдөлгөөний мөн хэл ярианы саажилттай, артерийн даралт ихсэх өвчтэй гэж оношлогдсон. Бусдын асрамжид байнгын хэвтэрт, хэл яриа, оюун санааны хувьд өөрийгөө бүрэн илэрхийлэх чадваргүй.  Өнөөдрийн байдлаар шүүх хуралд ирэх боломжгүй байна. Эмчлэгч эмч нарын зүгээс Т.Бадамжунайг   тайван байлгах, аливаа байдлаар сэтгэл санааны цочролд оруулахгүй байхыг анхааруулж байгаа. Дээрх нөхцөл байдлыг харж шүүхийн урьдчилан хэлэлцүүлгийг тодорхойгүй хугацаагаар хойшлуулж өгнө үү” гэв.