“Тавантолгой” ХК-ийн ТУЗ-ийн дарга, Өмнөговь аймгийн ИТХ-ын төлөөлөгч Г.Цог-Өрнөхийг 15 настай хүүг хүчирхийлсэн байж болзошгүй хэргээр холбогдуулан хууль сахиулах байгууллагаас хойшлуулшгүйгээр баривчлаад байгаа талаар бид мэдээлсэн. Тэгвэл хуулийн байгууллагаас Г.Цог-Өрнөхийг үргэлжлүүлэн 30 хоног цагдан хорих шийдвэр гаргасан байна.

                       “Тавантолгой” ХК-ийн ТУЗ-ийн дарга Г.Цог-Өрнөхийг Эрүүгийн хуулийн 12.2-1 дэх заалтыг үндэслэн шалгаж байгаа бөгөөд тэрбээр фэйсбүүк сүлжээгээр хуурамч хаяг нээж, 15 настай хүүтэй танилцаж, хууран мэхэлж, хохирогчийг нийслэлийн Хан-Уул дүүргийн 20 дугаар хорооны нутаг дэвсгэрт аваачин хүчирхийлсэн байж болзошгүй аж. Түүнийг хохирогч хүүгийн ээжийн цагдаагийн байгууллагад гаргасан гомдлын дагуу шалгаж, баривчлаад байгаа юм.