“Тавантолгой” ХК-ийн ТУЗ-ийн дарга, Өмнөговь аймгийн ИТХ-ын төлөөлөгч Г.Цог-Өрнөхийг хууль сахиулах байгууллагаас хойшлуулшгүйгээр цагдан хорьжээ. Тодруулбал, Г.Цог-Өрнөх нь насанд хүрээгүй 15 настай хүүг садар самуунд уруу татаж, бэлгийн дур хүслээ ёс бусаар хангасан байж болзошгүй байгаа бөгөөд хууль сахиулах байгууллагаас Эрүүгийн хуулийн 12.2-1 дэх заалтыг үндэслэн шалгаж байгаа юм байна.

                  “Тавантолгой” ХК-ийн ТУЗ-ийн дарга Г.Цог-Өрнөх нь фэйсбүүк сүлжээгээр хуурамч хаяг нээж, 15 настай хүүтэй танилцаж, хууран мэхэлж, хохирогчийг нийслэлийн Хан-Уул дүүргийн 20 дугаар хорооны нутаг дэвсгэрт аваачин хүчирхийлсэн байж болзошгүй аж. Улмаар 15 настай хохирогч хүүгийн ээж цагдаагийн байгууллагад гомдол гаргасны дагуу Г.Цог-Өрнөхийг баривчлан шалгаж байна.