Цар тахлын онцгой байдлын үед Засгийн газраас авч хэрэгжүүлсэн төлөвлөгөө, төсөл хөтөлбөрүүдийн санхүүгийн зарцуулалт, гадаадын орнуудаас авсан зээл, тусламж, иргэн, аж ахуйн нэгжүүдийн хандив, тусламж болон тэдгээрийн орлого, зарлагыг нийтэд ил болгох тухай асуудлаарх Ерөнхий хяналтын сонсгол болж байна. Энэ үеэр УИХ-ын гишүүн С.Одонтуяа үг хэллээ.

      Тэрбээр “Биднийг улс төр хийх гэж ажил хүндрүүлж байна гэлээ. Бид бол улстөрчид. УИХ дээр АН-ын бүлэг гэж бий. Бид эрх баригчдын үйл ажиллагаанд хэнээр ч заалгахгүй хяналт тавих үүрэгтэй хүмүүс. Бид сөрөг хүчин. Өнөөдөр та нар гадуур юу болж байгааг харж байгаа. Бүх юмаа нууцын зэрэгт оруулчихаад яаж ард түмнийг тонон дээрэмдэж байгаагийн хамгийн эхний жишээ нь ногоон автобус. Би нүүрсний түр хороонд орсон. Шинжээчид маш сайн ажиллаж, дүгнэлт гаргасан. Бид улс төр хийж байна гээд хүнийг гүтгэж болохгүй. Цар тахлын үеэр өдөр, шөнөгүй сайн ажилласан хүн олон бий. Ард түмний мэдэх эрхийг хаах гэж байна. Цар тахлын үеэр ямар ч шалгалтгүйгээр төрийн албан хаагчийн томилдог. Тендер зарлахгүйгээр бараа ажил үйлчилгээ шууд худалдан авдаг байдал газар авсан. Шинжээч ажиллахгүй бол энэ сонсголыг хийх шаардлагагүй.