Чингэлтэй дүүрэг 24 дүгээр хороо, Яргайтын богины-Ам гэх газар байшинд ахуйн хэрэглээний газ дэлбэрч, хоёр хүн түлэгджээ.Тус  дүүргийн Онцгой байдлын газар гал гарсан тухай дуудлагыг аравдугаар сарын 22-ны өдрийн 19:20 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн алба хаагчид 5.5 км замыг туулан 19:27 цагт очиход иргэн Т-ийн 4x5 метрийн хэмжээтэй байшинд 220 граммын савлагаатай ахуйн хэрэглээний газ тэсэрч хоёр иргэн түлэгдэж, эмнэлэгийн байгууллагад хүргэгдсэн байсан бөгөөд байшин /гал түймэр гараагүй байна/-г шалгаж, тус дүүргийн Цагдаагийн хоёрдугаар хэлтэст хүлээлгэн өгсөн байна.

      Иргэд та бүхэн тэсэрч, дэлбэрэх магадлалтай ахуйн хэрэглээний зүйлсийг хэрэглэхдээ анхаарал болгоомжтой байж, болзошгүй аюул, эрсдэлээс өөрийгөө болон бусдыг хамгаалахыг сэрэмжлүүлж байна.