УИХ-ын чуулган хуралдаж байна.  Хуралдаанаар Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж байна. Энэ үеэр Сангийн сайд Б.Жавхлан УИХ-ын гишүүн Х.Ганхуягийн асуултад хариуллаа.

     Тэрбээр “Төсвийн хүрээний мэдэгдэлтэй огт холбоогүй асуулт асуулаа. Дотоодын бондын хүү ярих арай эрт байна. Алдагдлыг нөхөх асуудал ч гэсэн төсөв батлагдсаны дараа он гарсны дараа төсвийн гүйцэтгэл гараад эхлэхээр яригдана. Төсвийн алдагдлыг нөхөх олон эх үүсвэр байгаа. Энэ жил жишээ нь төсвийн давсан орлоготой жилийн эцэс рүү гарна. Энүүгээр төсвийн алдагдлаа бууруулж чадна. Шаардлагатай тохиолдолд дотоодын бонд гаргана” гэв.