УИХ-ын чуулган хуралдаж байна.  Хуралдаанаар Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж байна. Энэ үеэр төсвийн талаарх төсвийн байнгын хорооны санал дүгнэлтийг УИХ-ын гишүүн Ц.Сандаг-Очир танилцууллаа.

          Тэрбээр “Монгол Улсын засгийн газраас 2023 оны есдүгээр сарын 29-ны өдөр УИХ-д өргөн мэдүүлсэн Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцлээ. Монгол Улсын Засгийн газраас Шинэ сэргэлтийн бодлыг хүрээнд эдийн засгийн өсөлтийг эрчимжүүлэх, төлбөрийн тэнцлийн алдагдлыг бууруулах, гадаад валютын нөөцийг нэмэгдүүлэх, үнийн өсөлтийг хязгаарлаж, иргэдийн бодит орлогыг хамгаалах, төрийн үйлчилгээний чанар, хүртээмжийн сайжруулах, боомтын сэргэлтийн хүрээнд хилийн нэвтрүүлэх хүчин чадлыг нэмэгдүүлэх, экспортыг эрчимжүүлэх, Оюу толгойн гүнийн уурхайн олборлолт хийгдэж, зэсийн баяжмалын агууламж өссөнөөр уул уурхай, түүнийг дагасан тээвэр, худалдаа, салбарын өсөлт нэмэгдэх, ингэснээр экспортын орлого өсөж төлбөрийн тэмцэл сайжрах, гадаад валютын албан нөөц нэмэгдэж, валютын ханш тогтворжих зэргээр макро эдийн засгийн үзүүлэлтэд эергээр нөлөөлөхөөс гадна төсвийн орлого нэмэгдэхээр хуулийн төслийг боловсруулсан байна. Байнгын хорооны хуралдаанаар төслийг хэлэлцэх үед УИХ-ын гишүүн Ж. Батжаргал дотоодын нийт бүтээгдэхүүний өсөлт, эдийн засгийн бодит өсөлт Засгийн газрын өрийн нийт хэмжээг нэмэлдүүлж байгаа талаар, УИХ-ын гишүүн Д.Тогтохсүрэн төсвийн хүрээний мэдэгдлийн тооцоолол бодиттой эсэх, төсвийн бодлого, мөнгөний бодлоготой уялдаж байгаа эсэх, хэрэглээний үнийн өсөлтийг хязгаарлаж, иргэдийн бодит орлогын талаар, Ц.Сандаг-Очир төсвийн алдагдлыг хэрхэн тооцсон, хэрэглээний үнийг өсөлттэй уялдуулан зардлыг бодиттой төлөвлөж байгаа эсэх талаар, УИХ-ын Б.Пүрэвдорж төсвийн зардлын тэлэлт нь хэрэглээний үнийн өсөлтөд шууд нөлөөлж, бараа бүтээгдэхүүний үнийг нэмэгдүүлж байгаа тул ирэх оны төсвийн хүрээний мэдэгдлийг мөнгөний бодлоготой уялдуулсан эсэх талаар Төсөл санаачлагчдаас асуулт асууж хариулт авсан. Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэхийг үзэл баримтлалын хүрээнд хэлэлцэхийг байнгын хорооноос дэмжиж Чуулганы нэгдсэн хуралдаанаар хэлэлцэх нь зүйтэй гэж үзсэн.