• Өнөөдөр 2025-05-05

Сураггүй болсон 61 настай иргэнийг эрэн хайх ажиллагааг зогсоожээ

2023-10-16,   1699

                        Дэрс булан гэх газарт алга болсон 61 настай иргэнийг эрэн хайх ажиллагааг түр зогсоожээ. Тодруулбал, Сэлэнгэ аймгийн Сайхан сумын Номгон багийн Дэрст булан гэх газар өнгөрсөн сарын 24-ний өдрийн 19:00 цагийн орчим дөрвөн хүн зугаалж явснаас иргэн Э нь сураггүй болжээ. Тэд аймгийн төвөөс баруун урд зүгт 160 км-т, сумын төвөөс хойд зүгт 37 км-т байсан байна.  Онцгой байдлын ерөнхий газар эрэн хайх ажиллагаанд дэмжлэг үзүүлэх хүсэлтийг Сайхан сумын сум дундын Цагдаагийн хэлтсээс өнгөрсөн сарын 29-нд 12:40 цагт хүлээн авчээ.
Эрэн хайх ажиллагааг тухайн өдрөөс энэ сарын 1-нийг дуустал зохион байгуулсан ч үр дүнд хүрээгүй тул түр зогсоосон байна. Хайх ажиллагааг дахин явуулах тухай хүсэлтийг ар гэрээс нь энэ сарын 5-ны өдөр, сум дундын Цагдаагийн хэлтсээс 10-ны өдөр тус тус дахин хүлээн авчээ.
             Тус аймгийн Онцгой байдлын газрын Эрэн хайх, аврах анги, Сайхан сум дахь Гал түймэр унтраах, аврах 61 дүгээр ангийн алба хаагчид иргэн 61 настай Э-г эрэн хайх ажиллагааг энэ сарын 15-ны 11:10 цагаас 18:12 цаг хүртэл Хушаатын гүүр гэх газраас Хадан хөндий гэдэг газар  хүртэл Орхон голын усаар 39 км-т завиар, голын эрэг дагуу 7 км-т явганаар, автомашинтай 22 км-т явуулжээ.Гэвч үр дүнд хүрээгүй байна.

Сураггүй болсон 61 настай иргэнийг эрэн хайх ажиллагааг зогсоожээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.