Налайх дүүргийн тавдугаар хорооны нутаг дэвсгэрт байрлах автомашины мотор, кропны хаягдал тос, масло дахин боловсруулж, түлш үйлдвэрлэх чиглэлээр үйл ажиллагаа явуулдаг “Эко стандарт петролум” ХХК-ийн жолооч 10 тонн орчим хаягдал масло соруулж, Баянзүрх дүүргийн арваннэгдүгээр хорооны нутаг дэвсгэрт байрлах бохирын шугамын худаг руу асгасан нь урьдчилсан байдлаар тогтоогдсон. Гэвч тус компани хаягдал маслоо бохир ус соруулах үйлчилгээ эрхэлдэг “Маргад эрдэнэ уул” ХХК-д дуудлага өгч, тус компанийн жолооч С.Лхагвабаяраар аюултай хог хаягдлаа хаяуулсан байж болзошгүй байна.

     Бид тус жолоочтой холбогдож, тухайн өдөр хаягдал тос асгасан эсэх талаар тодрууллаа. Тэрбээр “Аюултай хог хаягдал асгасан эсэхийг хуулийн байгууллагынхан шалгаж байгаа. Тийм болохоор ямар ч мэдээлэл өгөх боломжгүй байна. Би хаягдал тос асгаагүй” гэв.