Монгол Улсын Ерөнхийлөгч У.Хүрэлсүх гэргий Л.Болорцэцэгийн хамт Франц Улсад төрийн айлчлал хийж байгаа билээ.

Энэ үеэр МҮХАҮТ-ын Ерөнхийлөгч Д.Энхтүвшин “Монгол Улсын Ерөнхийлөгчийн Франц Улсад хийж буй төрийн айлчлалын бүрэлдэхүүнд хөдөө аж ахуйн чиглэлийн бизнес эрхлэгчид оролцож байгаа. Хөдөө аж ахуй, хүнсний аюулгүй байдалтай холбоотой компаниуд оролцож байгаагаар онцлог болж байна. Өмнө нь уул уурхайн хөрөнгө оруулалтууд их хийдэг байсан. Айлчлалын дараа компаниудын төлөөлөл танилцах аялал хийнэ.

Тус аялалаар хамтын ажиллагааны үр дүн, туршлага гарах байх. Эдийн засгийн гол салбарууд өндөр түвшинд хөгжсөн хөдөө аж ахуй, үйлчилгээний салбар, аялал жуулчлал гэх мэт уул уурхайн салбарт Францаас суралцах жишээг харж байна. Энэ нь зөвхөн хөрөнгө оруулалтаар хязгаарлагдахгүй. Мэдлэг, технологи солилцох чиглэлээр боломж бүрдэж байгаа. Энэ удаагийн айлчлалаар бид хамтын ажиллагааны гэрээнд гарын үсэг зурсан. Үүнд хувийн хэвшлийн аж ахуйн нэгжүүд дуу хоолойгоо илүүтэй хүргэж хамтарч ажиллавал боломжтой гэж харж байна. Бидэнд нэгдэж, нийлж чадахгүй сул тал олон, бэрхшээл их байдаг. Хувийн хэвшлийнхэн бодол санаа, дуу хоолойгоо нэгтгэж, танхимынхаа бүтцийг сайжруулж, олон хүн хөрөнгөтэй болоосой гэж бодож байна” гэлээ.